Esti congresu sidreru encuádrase dientro de les actividaes del primer cume internacional de la sidra celebrada n’España
Little Pomona, Weidmann & Groh, Vilba de Angelón, Castañón y Haritz Rodriguez… son solo dalgunos de los munchos nomes que van tar presentes nel Asturies Cider Congress. Los díes 23 y 24 de marzo todo estos profesionales van tar al mandu de charres, coloquios y meses redondes empobinaes a tol sector.
Dalgunos de les temes que se van encetar van ser el turismu y la sidra n’Asturies, la distribución y el mercáu de sidra d’Estaos Xuníos, la sidra na alta gastronomía, l’exemplu de la cerveza belga como patrimoniu cultural de la UNESCO…
Toles actividaes de la International Cider Summit Asturies van tener llugar la selmana del 20 al 26 de marzu de 2023. Tán estremaes en 3 eventos estremaos que son la International Cider Week, el International Cider Congress y el International Cider Festival. La see principal del cume onde se van desenvolver dalgunos de los actos principales va ser la Universidá Llaboral de Xixón, pero la programación va tar partida por diversus locales collaboradores de tola xeografía asturiana.
XUEVES 23 DE MARZU
09:00 INAUGURACIÓN OFICIAL
Organización, autoridaes y patrocinadores
09:30 TURISMU Y SIDRA N’ASTURIES
Sidra Turismo Asturies
10:15 CIDERLANS, UN MUNDU DE SIDRES
Haritz Rodriguez (Euskadi)
11:00 PAUSA CAFÉ
11:30 LA SIDRA NA ALTA GASTRONOMÍA
Juan Luís García (Sumiller del restorán 2 Estrelles Michelín Casa Marcial)
12:15 MODELU DE PRODUCCIÓN DE MAZANA EN ASTURIES
Daniel Exner (Finca Gallinal, Asturies)
13:00 MAZANA ECOLÓXICA EN TIROL DEL SUR
Franz Egger (Floribunda, Tirol del Sur)
VIENRES 24 DE MARZU
09:00 NORUEGA, NACENCIA D’UN PAÍS DE SIDRA
Arita Åkre (Edel Cider, Noruega)
09:45 DISTRIBUCIÓN Y MERCÁU DE SIDRA N’ESTAOS XUNÍOS
Sam Fitz (Anxo Cider) y Ryan Burk (EEUU)
10:30 PAUSA CAFÉ
11:00 CERVEZA BELGA, PATRIMONIU CULTURAL INMATERIAL DE LA UNESCO
Mr Norbert Heukemes (Responsable del observatoriu “Cultura Cervecera de Bélxica “) y Luis Benito García Álvarez (Universidá d’Uviéu)
11:45 FORMACIÓN NEL SECTOR DE LA SIDRA
Jane Payton (UK Drinks Expert), Darlen Hayes (Cider Institute of America) y Juan Luis García profesor (CIFP Hostelería y Turismu de Xixón)
12:30 MESA REDONDA: NEGOCIO MONOCULTIVO DE SIDRA N’OTROS PAÍSES
Wouter Bij (Amsterdam), Ben (La Cidrerie, París) Y Joran Cidrotheque (Bruxeles)
El programa del congresu tamién puede consultase nesti enllaz: https://internationalcidersummit.com/asturias-cider-congress/