La Conseyería de Cultura, Política Llingüística y Turismu del Principáu d’Asturies ye’l patrocinador principal de International Cider Summit al traviés de la so marca “Asturies Paraísu Natural”. Con esto la Viceconseyera, Graciela Blanco, amuesa’l so sofitu al sector sidreru asturianu que va tener la oportunidá de papase de les distintes formes de producir y vender esti tresformáu de la mazana gracies a les marques de too el mundu que van tar presentes nel cume. Amás, l’eventu va asitiar a Asturies y a la so cultura sidrera nel mapa sidreru internacional, lo que va tener una repercusión positiva tantu a nivel turísticu como profesional.
Ente les distintes actividaes de la International Cider Summit va tar el festival que va atraer a miles de persones a la so see na cortil de la Universidá Llaboral de Xixón. A lo llargo de la fin de selmana de’l 25 y 26 de marzu podrán probase sidres de too el mundu, esfrutar d’actuaciones musicales y munches más actividaes en redol a la bébora d’oru del eventu.