International Cider Summit Asturies va tener representaes a 13 rexones sidreres del mundu cola participación de 65 tipos de sidra que van poder tastiase mientres la selmana en tolos locales participantes , según nel festival que se va celebrar na Llaboral de Xixón
La viceconseyera de Turismu del Principáu d’Asturies, Graciela Blanco Rodríguez; el responsable de Mediu Rural de Caxa Rural d’Asturies, Javier Nievas, la Directora Xeneral de Desenvolvimientu Rural y Agroalimentación del Principáu d’Asturies, Begoña López; el Director del eventu, Eduardo Vázquez Coto, el presidente de la DOP Sidra d’Asturies Guillermo Guisasola y el conceyal de Turismu del Conceyu de Xixón Santos Lopez presentaron esti xueves la International Cider Summit Asturies en Xixón. Esti cume internacional sidrera preséntase como una eventu únicu n’España y agora un gran ésitu y arribación de públicu y profesionales de la sidra tanto nacionales como internacionales.
La International Cider Summit Asturies va celebrase la selmana del 20 al 26 de marzu de 2023. Toles actividaes van tar estremaes en 3 eventos estremaos dientro d’esti cume. El primeru va ser la Asturies Cider Week que va ufiertar la posibilidá de probar 65 tipos distintos de sidra en decenes de locales collaboradores distribuyíos por toa Asturies. Esta opción va tar disponible mientres tola selmana del cume. Munchos d’estos restoranes nun tienen la sidra como una alternativa habitual nes sos cartes, colo que s’escuerre ye diversificar el consumu de sidra n’otros establecimientos.
Otra de les partes del cume sidreru va ser el Asturies Cider Congress, que se va celebrar el 23 y 24 de marzu na Universidá Llaboral de Xixón. Equí grandes profesionales del sector sidreru nacionales ya internacionales van compartir les sos esperiencies y saberes en 2 mañanes completes de charres, coloquios y meses redondes. Dalgunos de les temes que se van encetar van ser el turismu y la sidra n’Asturies, la distribución y el mercáu de sidra d’Estaos Xuníos, la sidra na alta gastronomía, l’exemplu de la cerveza belga como patrimoniu cultural de la UNESCO…
La International Cider summit va tener como colofón final el Asturies Cider Fest, un festival para los amantes de la sidra que se va celebrar la fin de selmana de’l 25 y 26 de marzu na Universidá Llaboral de Xixón. Equí va haber 30 llagares asturianos ufiertando Sidra Natural echada por espertos, cates de les 65 sidres presentes que van representar a 12 rexones sidreres del mundu, un market de moda y complementos tradicionales, actuaciones musicales, food trucks, un área infantil y otru de mascotes y muncho más. Podrá dise consultando tol programa y actividaes tantu del festival como de tol cume na páxina web www.internationalcidersummit.com